Mëso shenjat, shkaqet dhe mënyrat për të trajtuar këto tri gjendje të thithave:
Thithat e përmbysura
Thithat e përmbysura, tek një ose të dy gjinjtë, mund të jenë një variant normal i pranishëm që nga lindja. Këto thitha duket sikur maja të jetë e futur brenda. Maja ka tendencë për të “dalë jashtë” nga stimulimi ose gjatë shtatzënisë dhe ushqyerjes me gji.
Thithat e tërhequra
Thithat e tërhequra janë që ishin të ngritura, por pastaj më vonë ndryshuan, u tërhoqën dhe nuk kthehen në pozicion normal edhe kur stimulohen. Një thithë e tërhequr, mund të tregojnë ndryshim kanceroz. Në qoftë se thithat tuaj nuk ishin normalisht të përmbysura apo të sheshta, pra tërhiqen dhe nuk mund të kthehen në pozitën e zakonshme edhe me stimulim, shihni mjekun tuaj pa vonesë për të përcaktuar shkakun dhe diagnozën themelore. Mund të mos jetë kancer, por duhet të vlerësohet me diagnozë profesional.
Kullimi i thithave
Kullimi që ndodh vetëm kur thithka shtrydhe, në mungesë të ndonjë simptome tjetër, duhet të sillet në vëmendjen e mjekut tuaj për një kontroll. Në shumicën e rasteve, kjo ndoshta nuk është një arsye për shqetësim të madh.
Çdo kullim qumështi që ndodh gjatë fundit të shtatzënisë dhe natyrisht pas lindjes, nuk është shqetësuese.
Kullimi është më shqetësues kur vëreni edhe një gungë, kur ndodh pa ndonjë stimulim, presion apo ndrydhje (i quajtur ‘kullim spontan’), ose kur lëngu që del nga thithka ka njolla gjaku.
Për fat të mirë shumica e grave që kanë problem me kullim të thithave nuk kanë kancer por kjo gjithmonë duhet të vlerësohet nga mjeku juaj, veçanërisht në qoftë se kullimi ka karakteristikat e lartpërmendura.
