Merkel: Ballkani ka rrugë të gjatë drejt BE-së

13.09.2021 21:42
Rreshtat+- AShkronjat+- Printo
Merkel: Ballkani ka rrugë të gjatë drejt BE-së

Kancelarja gjermane, Angela Merkel, tha se një nga qëllimet e Gjermanisë është që të shohë anëtarësimin e të gjashtë shteteve të Ballkanit Perëndimor në Bashkimin Evropian, por shtoi se të gjitha ato kanë një “rrugë të gjatë” përpara.

Merkel i bëri këto komente në Beograd, në një konferencë të përbashkët për media me presidentin e Serbisë, Aleksandar Vuçiq.

Paraprakisht, Merkel zhvilloi një takim me Vuçiqin, ku u diskutua për bashkëpunimin politik dhe ekonomik të dy vendeve, si dhe për procesin e integrimit në BE.

“Ju inkurajoj që të vazhdoni më tej drejt sundimit të ligjit, drejt shoqërisë plurale”, tha Merkel.

Ajo shtoi se çështja e njohjes së pavarësisë së Kosovës, kur bëhet fjalë për Serbinë, është një çështje që do të zgjidhet “në fund të një procesi”.

“Disa çështje do të zgjidhen në fund të një procesi. Të gjithë e dinë se disa vende anëtare të BE-së nuk e kanë njohur Kosovën. Çështja duhet të zgjidhet. Nuk ka kuptim të flasim për përfundimin e një procesi para se të zgjidhen gjërat e tjera dhe pastaj i gjithë procesi”, tha Merkel.

Vuçiq: Jemi të vetëdijshëm se Kosova është kusht për integrimin evropian të Serbisë

Vuçiq tha se zyrtarët në Serbi e dinë se zgjidhja e çështjes së Kosovës është kusht për anëtarësimin e Serbisë në BE.

“Unë nuk do t’i mohoj njohuritë tona për kushtet e anëtarësimit në BE. Siç dëgjoni nga Prishtina se ata kanë Kushtetutën e tyre, ashtu e kemi edhe ne Kushtetutën tonë, të cilës i përmbahemi. Ne jemi gati për kompromis, për një zgjidhje kompromisi. Nëse pyetemi se a jemi të vetëdijshëm se nuk do të jemi vend anëtar i BE-së përpara zgjidhjes së çështjes, jemi të vetëdijshëm”, tha Vuçiq.

Ai përsëriti se nuk është për konflikt të ngrirë kur bëhet fjalë për marrëdhëniet midis Serbisë dhe Kosovës dhe shtoi se është i hapur për dialog dhe zgjidhje kompromisi.

“…por duhet të jetë një kompromis, jo shkatërrues për Serbinë”, tha Vuçiq.

Të martën, Merkel do të qëndrojë në Tiranë, ku pritet të takojë kryeministrat e gjashtë vendeve të Ballkanit Perëndimor: Shqipërisë, Kosovës, Serbisë, Malit të Zi, Maqedonisë së Veriut dhe Bosnje e Hercegovinës.

Zëdhënësja e Qeverisë gjermane, Martina Fietz, tha se “përveç bisedimeve dypalëshe, bashkëpunimi rajonal do të jetë një temë e rëndësishme” e udhëtimit dyditor të Merkelit.

Pas 16 vjetësh në pushtet, Merkel do të largohet nga pozita e kancelares në fund të mandatit të saj të katërt, përkatësisht pas zgjedhjeve të 26 shtatorit në Gjermani.

Vizita e saj në Ballkan vjen gjithashtu përpara samitit të ardhshëm BE-Ballkan, që do të mbahet në tetor.

Vuçiq e cilësoi vizitën e Merkelit si “një nder të madh për Serbinë dhe një shans për ta falënderuar atë për gjithçka që ka bërë për Serbinë dhe rajonin” gjatë mandatit të saj.

Lansimi i të ashtuquajturit Proces i Berlinit nga Merkeli “krijoi një atmosferë ndryshe dhe mundësi të reja për bashkëpunim në Ballkanin Perëndimor, duke e bërë rajonin më paqësor dhe më të qëndrueshëm”, tha Vuçiq.

Procesi i Berlinit u shpall në vitin 2014, me qëllim promovimin e bashkëpunimit rajonal në Ballkanin Perëndimor dhe integrimin evropian.

Vendet e Ballkanit Perëndimor janë në faza të ndryshme të integrimit në BE.

Mali i Zi dhe Serbia kanë përparuar më së shumti, pasi kanë hapur negociatat dhe kapitujt e pranimit.

Shqipëria dhe Maqedonia e Veriut janë në pritje të hapjes zyrtare të bisedimeve të pranimit, ndërsa Kosova dhe Bosnje e Hercegovina janë vende potenciale kandidate.

Përgatiti: Valona Tela

Komentet

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Abdixhiku kritikon Osmanin për sulmet ndaj BE-së: Raporte të tilla s’komentohen në konferenca

Abdixhiku kritikon Osmanin për sulmet ndaj BE-së: Raporte të tilla s’komentohen në konferenca

Memli Krasniqi: Qytetarët nuk pajtohen me qasjen arrogante të VV-së

Memli Krasniqi: Qytetarët nuk pajtohen me qasjen arrogante të VV-së

Këshilltari i Vjosa Osmanit i reagon Abelard Tahirit dhe Selim Selimit pas kritikave për vetingun

Këshilltari i Vjosa Osmanit i reagon Abelard Tahirit dhe Selim Selimit pas kritikave për vetingun

Presidentja viziton kampin ku po qëndrojnë afganët

Presidentja viziton kampin ku po qëndrojnë afganët

Arrestohet një 87-vjeçar për sulm seksual

Arrestohet një 87-vjeçar për sulm seksual

Treni godet për vdekje një person në Pejë

Treni godet për vdekje një person në Pejë

Ballazhi pas anulimit të zgjedhjeve në Han të Elezit: Suma do të turpërohet nga humbja që do t’i shkaktoj

Ballazhi pas anulimit të zgjedhjeve në Han të Elezit: Suma do të turpërohet nga humbja që do t’i shkaktoj

Nga e premtja, vaksinën kundër COVID mund ta merrni edhe në sheshin e Prishtinës

Nga e premtja, vaksinën kundër COVID mund ta merrni edhe në sheshin e Prishtinës

Këto janë rregullat për të kërkuar azil në Zvicër

Këto janë rregullat për të kërkuar azil në Zvicër

PZAP anulon zgjedhjet në Komunën e Hanit të Elezit – pati shitblerje të votave

PZAP anulon zgjedhjet në Komunën e Hanit të Elezit – pati shitblerje të votave

Haziri: LDK nuk do të ketë marrëveshje politike në bllok për balotazhin

Haziri: LDK nuk do të ketë marrëveshje politike në bllok për balotazhin

Asnjë i vdekur dhe 18 raste të reja me COVID-19 në Kosovë

Asnjë i vdekur dhe 18 raste të reja me COVID-19 në Kosovë

KQZ vendos që të rinumërohen 23 vendvotime

KQZ vendos që të rinumërohen 23 vendvotime

Arrestohet ish-punonjësi i AKI-së, dyshohet se zbuloi informacione që rrezikuan sigurinë e Kosovës

Arrestohet ish-punonjësi i AKI-së, dyshohet se zbuloi informacione që rrezikuan sigurinë e Kosovës

Rritet edhe çmimi i druve në Kosovë

Rritet edhe çmimi i druve në Kosovë

Aktakuzë ndaj personit që dhunoi të miturën në shtëpinë e tij në Gjakovë

Aktakuzë ndaj personit që dhunoi të miturën në shtëpinë e tij në Gjakovë