I ftuar në Zonën B, është nënkryetari i Partisë Demokratike të Kosovës dhe ministri i Bujqësisë dhe Pylltarisë, Memli Krasniqi.
Krasniqi ka folur edhe për momentin e zgjedhjes së Thaçit president.
“Do të ishte shenjë papjekurie sikur vendimet të tilla të bëheshin në bazë të xhelozirave ose inateve personale sepse më e rëndësishme është ajo që është e përgjithshme”.
“E deklaroj me bindje të plotë se është e dhimbshme, realisht e papranueshme që një moment që do duhej të kishte një madhështi të veten të prishet me gaz lotsjellës ose performanca të tilla që janë të kundërligjshme”.
“Shpresoj që më e mira do të ishte që opozita ta ketë kundërkandidatin e vet, të vijë në Kuvend dhe ti nënshtrohet procesit demokratik”.
“Nuk vendos opozita se kush është presidenti, nuk ka baze kushtetuese as ligjore e logjike që opozita me pretend kush është kryetari i vendit, janë qytetarët ata që e përcaktojnë”
“Presidentin e shtetit e zgjedh Kuvendit dhe në këtë kuadër janë shumica e deputetëve kështu që mbi të gjitha po flasim për një kandidat që prej që mbahen zgjedhjet është njeriu që ka pasur bindshëm më shumë vota”.
“Prej 2007, Hashim Thaçi është njeriu më i votuar , kjo e fuqizon postin e presidentit, është emër i njohur jo vetëm për rajonin por edhe më larg, është mundësi e madhe e fuqizimit të rolit të presidentit”.
Krasniqi ka thënë se Gjykata Kushtetuese tha se nuk ka shkelje të nenit të caktuar.
“Është propagandë për ta zënë hapësirën e debatit por në anën e ekspertëve është e vërtetë që aktgjykimi i Gjykatës ka ngrit mundësinë e rrezikut që statuti të shkruhet si duhet por kjo nuk është çështja”.
