Më 16 mars, BE diskuton për imigracionin

E publikuar: 08/03/2015 10:02
Rreshtat+- AShkronjat+- Printo

Brukseli nuk duhet dhe nuk mund të lerë vetëm as Lampeduzën, as Italinë dhe as të gjitha vendet evropiane që duhet të përballen me imigracionin, deklaroi sot shefja e politikës së jashtme të BE-së, Federica Mogherini.

“Tema e imigracionit nuk është temë e një ishulli të vetëm apo e një vendi të vetëm, por temë e gjithë Evropës dhe ne po punojmë që masat të jenë konkrete”, theksoi Mogherini, sipas ATSH-së.
“Më 16 mars për herë të parë do të kemi në qendër të vëmendjes së ministrave të Jashtëm evropianë temën e imigracionit ”, shtoi ajo.