Kampioni absolut në boks pas duelit të shekullit, Floyd Mayweather, është tërhequr nga gatishmëria për t’i ofruar një revansh filipinasit, Manny Pacquiao, pasi që thotë se ai është treguar “qyqar” duke mos e pranuar humbjen.
Pacquiao nuk e pranoi humbjen duke thënë se ka qenë i lënduar dhe përkundër kësaj e meritonte fitoren në “duelin e shekullit”.
Ishte Mayweather që deklaroi menjëherë pas ndeshjes se do t’i ofronte revansh filipinasit, por tash duket se amerikani është tërhequr.
“Arsyetime, arsyetime, arsyetime. Ai ishte i shpejtë. Dora e tij e djathtë ishte e shpejt. Dora e tij e majtë ishte e shpejt. Ai goditi me të dyja shpejt dhe fort”.
“Ai humbi. Ai e di se humbi. Unë kam humbur shumë respekt për të nga gjithë kjo”.
“I kam thënë se do t’i jap revansh, por kam ndërruar mendje. Për momentin nuk dua sepse ai është një humbës i keq dhe një qyqar. Nëse ke humbur, pranoje dhe thuaj: “Mayweather ishe boksieri më i mirë në ring”, e jo të bëjë kështu”, ka deklaruar boksieri amerikan Mayweather.
