Ministri i financave i Maqedonisë, Zoran Stavreski, njëri nga bashkëpunëtorët më të afërt të ish-kryeministrit, Nikolla Gruevski, ka paraqitur dorëheqje.
Në njoftimin e sotëm të qeverisë thuhet se dorëheqja është bërë për shkaqe shëndetësore, pa hyrë në detaje të tjera.
Stavreski nëntë vite ishte ministër i financave dhe emri i tij ishte përfshirë në aferën e përgjimeve.
Gjatë bisedave të shumta të publikuara mes tij dhe ish ministres së brendshme, Gordana Jankullovska, dëgjohej se si Stavreski ankohej për harxhimet pa kriter të qeverisë për projektin “Shkupi 2014”, por edhe për politika të tjera të qeverisë në sferën e financave.
Emri i tij nuk ndodhet në mesin e zyrtarëve, që po hetohen nga prokuroria speciale për vepra të rënda penale.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
