Eksperti i çështjeve të sigurisë dhe nënkryetari i Aleancës Kosova e Re, Naim Maloku, konsideron se presidentja e Kosovës, Atifete Jahjaga dhe qeveria po marrin ekspertë ndërkombëtar për verifikimin e vijës kufitare me Malin e Zi, për t`i kundërshtuar qytetarët e Kosovës.
Nëpërmjet një statusi në profilin e tij në Facebook, Maloku, ka marr shembull përcaktimin e vijës kufitare ndërmjet Kroacisë e Sllovenisë, duke thënë se këto dy shtete kanë marr avokatë vendorë dhe bëjnë luftë para Gjykatës së Arbitrazhit për t`a fituar rastin.
“Të dy këto shtete i kanë komisionet shtetërore për demarkacion. Janë ndërruar shumë qeveri, por asnjëra nuk kanë ndërruar qëndrime sa i përket vijës kufitare”, shkruan Maloku, duke vënë në pah se kontesti i tyre është për një sipërfaqe për shumë herë më të vogël sesa ai i Kosovës me Malin e Zi.
“Për tu bërë anëtare të BE-së kanë pranuar që të pranojnë vendimin e Gjykatës se Arbitrazhit për të cilin të dy këto shtete (secili për të mbrojte qëndrimet e veta) kanë angazhuar avokatët (secili vendorë) më të mirë dhe bëjnë luftë edhe para kësaj gjykate për të fituar rastin”, vazhdon shkrimin në Facebook Maloku.
Sipas Malokut, në rastin konkret tonin Mali i Zi nuk ka nevojë as për avokat e as për të shpenzuar kohë për kufi me Kosovën.
“Janë Murat Meha, Qeveria e Kosovës dhe presidentja e Kosovës avokatet më të mirë dhe pa pagesë, për Malin e Zi. Nuk po lënë ‘gur pa lëvizë’ edhe duke paguar me pare të taksapaguesve të Kosovës ‘ekspertë’ nga bota vetëm për t’i kundërshtuar, në favor të Malit të Zi, ekspertët vendorë dhe popullin e Kosovës”, ka shkruar maloku në Facebook.
