Piktori Maks Velo, i njoftun ne Kosove per stereotipet e tij perçmuese ndaj kosovareve, del prape me do deklarat te pa matuna e pa shije.
Kesaj here e ka me artistat, komunitetin qe ai vet i takon. Në ceremoninë e hapjesë së ekspozitës së tij “Retrospektivë” në Galerinë Kombëtare të Arteve, ai foli me tone të ashpra ndaj artistave, të cilët i ka cilësue -injoranta.
“Krejt jeten artistat i kam konsiderue si kriminela. Këtë ekspozitë nuk donin me çele drejtorët e parë. Artistat tanë janë injoranta. Dukuria e madhe asht që i marrin këto dhe i kopjojnë. E drejta e autorit asht vetëm aty te sahati i elektrikut. Vetëm aty i kap Rama për fyti. S’ka të drejtë autori”, tha Velo për gazetarët.
Artisti dhe piktori nuk ngurroi me krahasue Shqipninë dhe shqiptarët me emigrantat që vijnë nga Lindja e Mesme.
“Nuk asht vend ky për me ba art. Asht vend islamik dhe oriental. Asht orient. I shef ti ata emigrantat që sulen nga andej. Dinë ata ç’asht piktura. Hë? Ta pret mendja ty se dinë ata ç’asht piktura? Ja kështu jemi ne”, thotë Velo.
Ekspozita e Velos përmban 99 piktura në përmasa të vogla, që tregojnë rrugën që ai ka ndjeke në jetën e tij para, gjatë dhe mbas burgosjes.
