Macron dhe Rohani do të punojnë drejt ruajtjes së paktit bërthamor

30.04.2018 13:16
Rreshtat+- AShkronjat+- Printo
Macron dhe Rohani do të punojnë drejt ruajtjes së paktit bërthamor

Presidenti francez, Emmanuel Macron dhe presidenti iranian, Hassan Rohani janë pajtuar në një bisedë telefonike për të punuar së bashku në ruajtjen e marrëveshjes bërthamore të vitit 2015, ka njoftuar zyra e Macronit, ndonëse lideri iranian ka insistuar se kushtet “nuk janë të negociueshme”.

Pallati Elysee ka thënë më 29 prill se Macron dhe Rohani janë pajtuar për të punuar “në javët e ardhshme në ruajtjen e përmbajtjes së marrëveshjes së vitit 2015 me të gjitha mekanizmat”.

Në njoftim është bërë e ditur se Macron ka propozuar që diskutimet të zgjerohen në mbulimin “e tri subjekteve të tjera të domosdoshme” siç është programi i Teheranit për raketa balistike, aktivitetet bërthamore pas vitit 2025 dhe “kriza kryesore në rajon” duke iu referuar Lindjes së Mesme.

Sidoqoftë Rohani i ka thënë Macronit se marrëveshja duhet të mbetet ashtu siç është dhe se kushtet janë “të panegociueshme”.

“Marrëveshja bërthamore dhe cilido subjekt është i panegociueshëm” është cituar të ketë thënë Rohani sipas presidencës iraniane.

“Irani nuk do të pranojë ndonjë kufizim përtej zotimeve të bëra”, ka shtuar presidenti iranian.

Deklaratat nuk kanë adresuar atë se si mund të ruhet marrëveshja aktuale nëse Irani kërkon të mos ketë ndryshime derisa presidenti amerikan, Donald Trump ka shprehur shqetësimet e tij të thella për këtë pakt.

Marrëveshja në fjalë i siguron Teheranit heqje të sanksioneve, në këmbim të frenimit të programit bërthamor.

Trump ka akuzuar Iranin për shkelje të shpirit të marrëveshjes duke testuar raketa balistike dhe duke financuar kryengritësit në rajon.

Rohani i ka treguar Macronit se ka gatishmëri për të nisur dialog për çështje rajonale.

“Irani është gati për të negociuar arritjen e stabilitetit dhe sigurisë, sidmos në luftimin e terrorizmit”, ka shtuar ai.

Këto komente kanë ardhur pasi Sekretari amerikan i Shtetit, Mike Pomepo ka arritur në Izrael në kuadër të udhëtimit të tij në Lindje të Mesme, për të njoftuar aleatët rajonalë me kërkesat e Trumpit për rregullimin e atyre që presidenti amerikan i ka cilësuar si të meta të tmerrshme të paktit bërthamor.

“Nëse ne nuk e rregullojmë atë, Trump do të largohet nga marrëveshja”, ka thënë Pompeo para gazetarëve, pas takimit me kryeministrin izraelit, Benjamin Netanyahu në Tel Aviv.

Nënshkrueset tjera të marrëveshjes, Franca, Britania, Gjermania, Rusia dhe Kina i kanë bërë thirrje Uashingtonit për të qëndruar në marrëveshje, ndonëse edhe shtetet Perëndimore kanë shprehur shqetësimet e tyre për kushtet e paktit.

Zyra e kryeministres britanike, Theresa May ka nisur një deklaratë duke thënë se May, Macron dhe kancelaraja gjermane, Angela Merkel janë pajtuar se marrëveshja bërthamore është mënyra më e mirë për të ndaluar aktivitetet bërthamore të Iranit, duke shtuar se e njëjta duhet të zgjerohet për të mbuluar edhe disa çështje tjera, duke përfshirë raketat balistike.

Macron ka vizituar së fundmi presidentin Trump në Uashington dhe të dy liderët kanë diskutuar për Iranin, përveç temave tjera.

Përgatiti: Krenare Cubolli

Komentet

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Informatat e fundit të Prokurorisë: Po e intervistojmë secilin, është zbrazur pothuajse një karikator

Informatat e fundit të Prokurorisë: Po e intervistojmë secilin, është zbrazur pothuajse një karikator

Pas shfaqjes së variantit të ri, bien aksionet e naftës në tregjet globale

Pas shfaqjes së variantit të ri, bien aksionet e naftës në tregjet globale

Zyra e BE-së në Kosovë dënon ashpër sulmin në Gllogjan

Zyra e BE-së në Kosovë dënon ashpër sulmin në Gllogjan

Kurti, ushtarëve të FSK-së: Ju jeni vazhdimësi e UÇK-së

Kurti, ushtarëve të FSK-së: Ju jeni vazhdimësi e UÇK-së

Reagimi ambasada amerikane pas krimit makabër në Gllogjan

Reagimi ambasada amerikane pas krimit makabër në Gllogjan

Serbia ua refuzon ministrave kosovarë kërkesën për vizitë në Medvegjë, Preshevë e Bujanoc

Serbia ua refuzon ministrave kosovarë kërkesën për vizitë në Medvegjë, Preshevë e Bujanoc

Kujdestares së klasës i dridhet zëri derisa e përshkruan nxënësen e saj që u vra mbrëmë

Kujdestares së klasës i dridhet zëri derisa e përshkruan nxënësen e saj që u vra mbrëmë

Raporti i policisë: Sulmi në Gllogjan dyshohet se u krye me kallash, i dyshuari gjendet në arrati

Raporti i policisë: Sulmi në Gllogjan dyshohet se u krye me kallash, i dyshuari gjendet në arrati

Guvernatori Mehmeti: Rritja ekonomike gati 10%, remitencat deri në 15% më shumë

Guvernatori Mehmeti: Rritja ekonomike gati 10%, remitencat deri në 15% më shumë

Kryetari i BCCK takohet me të dërguarin e kryeministrit për tregti në Ballkanin Perëndimor

Kryetari i BCCK takohet me të dërguarin e kryeministrit për tregti në Ballkanin Perëndimor

Drejtori i policisë për rastin në Gllogjan: Ka dy pista, po zhvillohen aksione

Drejtori i policisë për rastin në Gllogjan: Ka dy pista, po zhvillohen aksione

Presidentja Osmani për tragjedinë në Gllogjan: Kjo është goditje ndaj rendit e sigurisë sonë

Presidentja Osmani për tragjedinë në Gllogjan: Kjo është goditje ndaj rendit e sigurisë sonë

Krimi makabër në Gllogjan, flet dëshmitari që ishte në autobus

Krimi makabër në Gllogjan, flet dëshmitari që ishte në autobus

Sali Berisha i shpëton një aksidenti, dy shtetas të Kosovës të plagosur

Sali Berisha i shpëton një aksidenti, dy shtetas të Kosovës të plagosur

Kurti: Policia është mobilizuar me kapacitetet e saj të plota për të mundësuar drejtësi

Kurti: Policia është mobilizuar me kapacitetet e saj të plota për të mundësuar drejtësi

Sveçla: Kërkova nga Policia mobilizim maksimal për ta kapur sa më shpejtë autorin e këtij krimi makabër

Sveçla: Kërkova nga Policia mobilizim maksimal për ta kapur sa më shpejtë autorin e këtij krimi makabër