Kapiteni i Chelsea John Terry ka zbuluar se ai dhe shokët e tij të ekipit shkojnë në të njëjtën WC, sipas tij ky ritual i sjell fat ekipit. Terry dhe ish-kolegët e tij Frank Lampard dhe Ashley Cole e kanë nisur rutinën e përdorimit të së njëjtës WC dhe mesa duket kjo traditë nuk do të zhduket pasi Cesar Azpilicueta dhe Cesc Fabregas i janë bashkuar Terry-t, transmeton Infosot. “Unë jam shumë supersticioz dhe nëse gjërat shkojnë mirë dhe ne fitojmë ndeshjen, unë nuk i ndërroj zakonet,” shprehet Terry. “Sezonin e kaluar, siç mund ta mendoni, zgjati shumë ky ritual.”
“Në dhomën e zhveshjes ne kemi tre WC. Një ditë unë dhe Frank përdorëm vetëm njërën dhe më pas fituam ndeshjen. Unë si supersticioz që jam nuk hoqa më dorë nga ky ritual. Javën tjetër u bëmë katër lojtarë që prisnim në radhë për të urinuar, një javë më pas u bëmë pesë.
Disa muaj më parë sekretari i klubit më tha se Federata Angelze ishte ankuar se ne dilnim vonë në fushë. Por unë nuk kisha guxim t’i tregoja arsyen e vërtetë se ne prisnim të gjithë të njëjtën WC.
