Në një takim me qytetarët e Livoçit të Ulët, Lëvizja Vetëvendosje prezantoi vizionin dhe prioritetet për mandatin e ardhshëm. Kandidatët për deputetë Labinotë Demi Murtezi, Nevzad Asllani, Arbëreshë Kryeziu Hyseni dhe Shpend Nuhiu theksuan rëndësinë e vazhdimit të projekteve zhvillimore dhe u bënë thirrje qytetarëve që më 7 qershor të mbështesin numrin 116.
Postimi i plotë:
Livoçi i Ulët ia qet pikën.
Energjia e fitores po ndihet në çdo takim, mes banorëve të lagjeve të qytetit e fshatrave të komunës së Gjilanit. 7 qershori do të renditet në kalendarin e datave me rëndësi për vendin, kur qytetarët bëjnë hapin përpara drejt progresit, për drejtësi dhe mirëqenie sociale, për shtet.
Kandidatët për deputetë: Labinotë Demi Murtezi, Nevzad Asllani, Arbëreshë Kryeziu Hyseni, dhe Shpend Nuhiu, folën për punën e mirë që është bërë dhe që duhet të vazhdojë në mandatin tjetër.
Më 7 qershor do t’u themi JO atyre që dëshirojnë të bëjnë diga në Parlament. Nuk ka nevojë Parlamenti për diga; Kosova ka nevojë për pesë diga të reja, dhe do t’i ndërtojmë ato për bujqësinë dhe industrinë.
Bashkë për Republikën, me numrin 116.
