Lewandowski i jep lamtumirën Bayernit, nesër niset drejt Barcelonës

E publikuar: 16/07/2022 12:33
Rreshtat+- AShkronjat+- Printo
Share:

Robert Lewandowski ka kaluar sot ditën e tij të fundit te Bayern Munich.Sulmuesi polak po largohet nga kampionët e Gjermanisë pas tetë vjetësh, për t’u transferuar te Barcelona.

Klubi katalunas së fundi arriti marrëveshje edhe me Bayernin për transferimin e Lewandowskit për 50 milionë euro.

“Bild” ka raportuar se 33-vjeçari në mëngjesin e së shtunës është shfaqur në stërvitje me “Bavarezët”, madje ai kësaj here shkoi në kohë.

Reprezentuesi i Polonisë stërviti edhe njëherë me skuadrën dhe gjithashtu ia dha lamtumirën e fundit trajnerit dhe shokëve të skuadrës.Fabrizio Romano ka bërë të ditur se Lewandowski do të udhëtojë të dielën drejt Barcelonës. Ai do të nënshkruajë kontratë 3-vjeçare, me mundësi vazhdimi edhe për një vit të katërt.

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!