Veçoria e video-thirrjeve në grup e Skype-së do të ofrohet së shpejti tek tre platformat më të mëdha mobile: iOS, Android dhe Windows 10 Mobile. Kompania ka vendosur të ofrojë këtë veçori duke qenë se Skype përdoret shumë tek telefonat; mbi 750 milionë njerëz kanë shkarkuar aplikacionin Skype në pajisjet mobile iOS, Android dhe Windows.
Veçoria do të jetë në dispozicion në javët e ardhshme, gjithsesi ju mund të regjistroheni tek uebsajti i kompanisë për të provuar versionin paraprak të aplikacionit.
Skype nuk është aplikacioni i parë për mesazhe që shton thirrjet me video në grup tek pajisjet mobile; aplikacioni Hangouts i Google-it e ofron këtë veçori prej disa kohësh, dhe lejon deri në 10 persona për të marrë pjesë në bisedë.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
