Në pritje për të mësuar se cili do të jetë fati i trajnerit Sinisa Mihajlovic, Milani përgatit strategjinë e merkatos për sezonin e ardhshëm.
“Corriere Dello Sport” shkruan se mes atyre që janë të sigurt se do të qëndrojnë figurojnë portieri i ri Donnaruma, fenomeni i ri, të cilit do t’i propozohet një rinovim i kontratës të paktën deri në vitin 2020, transmeton Infosot.
Përveç tij, te Milani e kanë vendin të sigurt dhe Antonelli, natyrisht Bacca, Bonaventura dhe Romagnoli si dhe Abate. Mario Balotelli duket i destinuar që të kthehet te Liverpooli në fund të huazimit, sulmuesi italian për të siguruar qëndrimin i duhet të shënojë 10 gola në 10 ndeshjet e fundit, mision i pamundur po të marrësh në konsideratë formën e shfaqur prej tij.
Ata që do të largohen janë Diego Lopez, Mexes dhe Kevin Prince Boateng. Të tjerët janë në fije të perit, duke filluar nga Luiz Adriano që në Janar refuzoi ofertën e kinezëve të Jiangsu, Niang i cili është jashtë fushe për dy muaj për shkak të aksidentit rrugor në të cilin u përfshi. Montolivio, situata e të cilit mbetet për t’u përcaktuar. De Sciglio pritet t’i shitet blerësit më të mirë.
