Mbrëmë është arrestuar një polic në Pejë, i dyshuar për ngacmim seksual.
Siç kanë njoftuar hetuesit e Inspektoratit Policor të Kosovës (IPK), zyrtari policor është ndaluar pas dyshimeve për kryerjen e veprës penale.
Gazeta Insajderi ka mësuar se polici i arrestuar është Avdyl Morina.
Rastin e kishte konfirmuar për Insajderin, edhe zëdhënësi i Prokuorisë në Pejë, Shkodran Nikqi.
Ai tha se është duke u përgatitur edhe caktimi i masës së paraburgimit, pasi i njëjti dyshohet për veprën “ngacmim seksual”.
“Prokurori i shtetit në koordinim të plotë me Inspektoratin Policor ka arrestuar një zyrtar policor, dje ku pas intervistimit i njëjti është ndaluar për 48 orë ndërsa, tani më është duke u përgaditur caktimi i masës së paraburgimit, i njëjti dyshohet për veprën penale ngacmim seksual. Dhe gjithashtu Policia ka marrë autorizime shtesë nga Prokuria e shtetit në mënyrë që të sqarohen të gjitha rrethanat e kësaj vepre penale”, tha Nikqi.
