Ditëve të ardhshme pritet të mbajë mot i ngrohtë me rritje të temperaturave. Nesër dhe të shtunën do të mbajë mot krysisht me diell, të shtunën do të ketë edhe vransira të larta. Era do të fryejë dobët nga lindja dhe jugu 1-5m/s.
Temperaturat maksimale do të ngriten në 16C, nesër, deri në 20C, të shtunën, ndërkaq minimalet do të sillen nga 1C deri 2C. DItën e diel vransirat do të shtohen, e gjatë pasdites dhe në mbrëmje vend-vende do të ketë rrebeshe shiu, që do të shoqërohen edhe me bubullima.
Në fillim të javës së ardhshme do të mbajë mot me vransira dhe intervale me diell. Ndërkaq në orët e pasdites dhe mbrëmjes do të ketë mundësi për rrebeshe shiu, me mundësi edhe për bubullima.
Temperaturat maksimale do të jenë pak në rënie, por do të mbeten të larta, nga 19C deri 17C, e minimalet do të sillen nga 4C deri 6C. Era, nga dita e diel do të fryejë nga ana veriore me shpejtësi 2-9m/s.
Shtypja atmosferike do të mbetet mbi vlera normale, por do të zbres 1030mb në 1025mb.
