Sot rreth orës 14, 15 policë të Kosovës kanë hyrë në Listën IQ Srpska në Mitrovicë për ta kërkuar drejtorin e Zyrës së Kosovës ë Qeverinë e Serbisë.
Kështu shkruan gazeta e Beogradit, Kurir e cila zbulon se në atë zyrë Gjuriq kishte mbajtur takim me ekipin mbrojtës të Oliver Ivanovqit.
“Kanë ardhur 15 sish, me pesë automjete, pa sqarime. Pyeten në ishte Gjuriqi aty, ne i thamë se ai kishte shkuar dhe i ftuam të hynin brenda. E gjitha zgjati 15 minuta dhe pas disa udhëzimeve që i morën përmes motorolave, u tërhoqën shumë shpejti, ashtu sikur dhe erdhën – pa sqarime.
Kemi dëgjuar që ata Gjuriqin e kanë kërkuar edhe në disa vende të tjera, por kjo gjë atë s’e ka penguar në zhvillimin e aktiviteteve të e veta”, citon burimin e vet Kurir nga Lista Sërpska, transmeton Koha.net.
Gazeta Kurir thotë se nga një burim i vet në Prishtinë që ka dashur të mbetet anonim është i informuar mirë se Hashim Thaçi përmes ministrit të vet të policisë në Mitrovicë kishte dërguar policë për ta arrestuar i Gjuriqin, me pretekstin se ai kishte hyrë pa leje në Kosovë dhe të gjitha këto informata gazeta ia faturon një burimi anonim, i cili, këtë hap të Thaçit e ka parë si përpjekje të tij për ngritje të rejtingut.
Gazeta në fund shton se asnjë nga këto informacione nuk janë konfirmuar në Zyrën serbe për Kosovën.
E vërteta është se sot në Mitrovicën ka qenë Marko Gjuriq. Ai me zëvendëskryeministrin e Kosovës Branimir Stojanoviqin ka kërkuar lirimin nga burgu të Oliver Ivanoviqit të akuzuar nga EULEX-i për krime lufte në Kosovë.
Në pjesën jugor ka qëndruar kryeministri Mustafa i cili ka thënë se zyrtarët e Serbisë në Kosovë mund të vijnë vetëm me leje.
