Në ligjëratën e tij në Oxford, e cila është botuar në Huffington Post, Mustafa ndër të tjera, kur ka folur për papunësinë në Kosovë, ka thënë se arsyeja e papunësisë së madhe në Kosovë lidhet direkt me Sllobodan Millosheviq.
Mustafa, krizën e papunësisë ndër rini në Kosovë ia ka atribuar mos investimeve, prej kohës së Luftës së Ftohtë, në kohën e Federatës multietnike Jugsollave.
Mustafa, citohet ta ketë përshkruar regjimin e Sllobodan Millosheviqit që ka udhëhequr Jugosllavinë prej vitit 1989 – 1999 si një regjim me një sistem aparteid.
Millosheviqi sipas Mustafës, ka shkelur rininë shqiptare të Kosovës, duke i përjashtuar ata nga sistemi nacional i edukimit, duke ia dhënë atyre mundësinë e vetme të shkollohen në shtëpi.
Përpjekjet për të krijuar ndryshime në strukrurën e ekonomisë kosovare sipas Mustafës, përkohësisht ka përkeqësuar krizën e papunësisë në mes të rinjëve.
“Atëbotë, derisa sektori i minierave dhe disa kompani të tjera të mëdha kanë egzistuar, industria e bujqësisë pas luftës në Kosovë ka qenë e mbizotëruar nga kompani të posalindura dhe të papërvoja”, citohet të ketë thënë Mustafa në Oxford, raporton Insajderi.
Kryeministri Mustafa citohet të ketë thënë se Kosova është duke u përballur me sfida për rritje të ekonomisë (momentalisht 3% në vit) në një nivel që mund të integrojë 30 mijë punëtorë të rinj në tregun e punësimit.
Qeveria e Kosovës sipas Huffington Post, ka vendosur një target me ambicie të larta, për të dyfishuar rritjen ekonomike, deri në gjysmë të mandatit dhe duke e trefishuar atë deri në fund të tij.
Mustafa thotë se numri zyrtar prej 30 për qind i papunësisë në Kosovë, mund të jetë e fryrë për shkak se ekonomia jo formale mund ta ulë këtë përqindje në 23.
Mustafa beson se integrimet në Bashkimin Evropian dhe studimet e kosovarëve jashtë vendit mund të ndihmojnë që të rinjtë të gjejnë punë dhe të kenë progres ndaj objektivave që mund të kenë impakt madhor për shkak se Kosova e ka popullatën më të re në Evropë.
/Insajderi/
