Mos të mallkojmë shtetin e Kosovës, sepse e kemi ba këtë shtet që ta zhvillojmë e t’i besojmë dhe kemi qytetarë të cilët e kanë pergjegjësinë e tyne që të japin besimin, por edhe të kerkojnë përgjegjësi ndaj atyne që e drejtojnë këtë vend.
Kështu tha kryeministri i Kosovës, Isa Mustafa në inaugurimin e “Klubit të Prodhuesve” sot në Prishtinë, inaugurimi i të cilit tha se asht mënyra ma e mirë që të shenohet 8-vjetori i Pamvarësisë së Kosovës.
Ne fjalimin e tij para prodhuesve vendor, ai tha se Kosova ka biznise të shkëlqyeshme të cilat mund të jenë konkurruese në tregun europian.
“Më pëlqen pozitivizmi sepse na duhet nji ditë të kthehemi dhe të flasim pozitivisht për vetveten, mos të mallkojmë këtë shtet dhe këtë vend, sepse e kemi ba këtë shtet që ta zhvillojmë dhe e kemi ba këtë shtet që t’i besojmë dhe kemi qytetarë të cilët e kanë përgjegjësinë e tyne që të japin besimin por edhe të kerkojnë përgjegjësi ndaj atyne që e drejtojnë këtë vend.
Kryetari i Klubit të Prodhuesve të Kosovës, Visar Kelmendi tha se përmes këtij klubi, synojnë të ndryshojnë klimën e të bamit biznis.
“Qëllimi bazë i themelimit të klubit asht avokimi në institucionet qeveritare relevante për ndryshimin e klimës e të bamit biznis dhe për ndryshimin e infrastrukturës ligjore për nji qasje krejtësisht ndryshe”, tha ai.
Astrit Panxha, që asht drejtor ekzekutiv i Klubit të Prodhuesve, tha se përmes reformave do të mund të ndryshohet ekonomia, ku edhe do të ketë nji zhvillim ma të qendrueshëm të saj.
Klubi i prodhuesve të Kosovës asht themelu në Nandor 2015.
Tash përbahet nga 9 firma të cilat kanë rreth 15 mijë punëtorë, 23 fabrika dhe mbi 50 brende.
Asht organizatë jo-qeveritare që asht themelu nga disa prej prodhuesve të Kosovës.
