Pas gjermanëve dhe turqve, për nga numri i lindjeve, vijnë polakët me 8,700 lindje dhe menjëherë në vendin e tretë kosovarët, të cilët gjatë vitit 2013 në Gjermani kanë sjellë në jetë 5900 fëmijë.
Trendi i plakjes së popullatës në Gjermani gjegjësisht i zvogëlimit të numrit të lindjeve ka pasur dy vitet e fundit një zbutje. Kjo falë shtimit të numrit të femrave në moshën optimale për lindje. Por ky shtim është më shumë rezultat i ardhjes në numër të madh të të huajve, të cilët dihet se janë me shumicë të moshës së re, kur fillojnë krijimin e familjeve.
Kështu siç shkruan frankfurterrundschau.de, këtë tezë e vërteton edhe statistika e detajuar e Zyrës Federale pe¨r Statistikë nga viti 2013. Sipas saj del se në vitin 2013 në Gjermani kanë lindur 682.000 femijë, përcjell albinfo.ch. Rreth 82 për qind të tyre kanë prindër gjermanë. Por përqindja e fëmijëve të lindur nga prindër migrantë ka qenë më e theksuar.
Sigurisht, më së shumti ka pasur të porsalindur nga prindërit turq, 21750 sish.
Por është interesante se pas tyre vijnë për nga numri polakët me 8700 lindje dhe menjëherë në vendin e tretë kosovarët, të cilët gjatë vitit 2013 në Gjermani kanë sjellë në jetë 5,900 fëmijë, transmeton albinfo.ch shifrat zyrtare nga Gjermania. Duke pasur parasysh përqindjen e ulët të komunitetit kosovar në popullsinë e gjithmbarshme të Gjermanisë, kjo shifër është mjaft e madhe.
Për vitin 2014 nuk ka ende shifra të detajuara dhe aq më pak për vitin 2015.
Por zyra e statistikave jep numrin e përgjithshëm të lindjeve në Gjermani gjatë vitit 2014. E ato janë 750.000 foshnja, që është shifra më e lartë e regjistruar që prej 13 vitesh, sigurisht se fluksi i madh i refugjatëve ka pjesën e vet të theksuar meritave në këtë rritje./t/
