Në aksidentin e sotëm në rrugën magjistrale Deçan- Pejë, në mes të fshatit Dranoc dhe Prejlep, bëhet e ditur se kanë humbur jetën dy persona të një fshati të komunës së Deçanit. Lajmin për vdekjen e dy personave e ka konfirmuar për Gazetën Express Policia e Kosovës.
Xhevat Ibraj, zëdhënës i policisë për rajonin e Pejës, ka treguar për Express se në aksidentin e ndodhur kanë humbur jetën dy persona, që sipas tij dyshohet të jenë të një fshati të komunës së Deçanit.
” Aksidenti ka ndodhur në orët e vona të mbrëmjes. Në këtë aksident kanë vdekur dy persona. Vdekja e tyre është konfirmuar në vendin e ngjarjes. Mosha e tyre nuk dihet ende, derisa mund të thuhet se dy të vdekurit janë të një fshati të komunës së Deçanit”, ka treguar për Express Xhevat Ibraj.
