Në listën e zezë të Organit Shqyrtues të Prokurimit tani figurojnë dy kompani. Ato dyshohet se kanë mashtruar institucionet gjatë tenderimit, dhe janë futur aty. Për një vit rresht “NTP Friends” dhe kompania “Ekoinvest & G Team” nuk do të mund të marrin asnjë tenderë në Kosovë. Ndëshkimi për to ka nisur me 20 mars dhe 25 gusht të këtij viti.
“NTP Friends” nga Prishtina dhe “Ekoinvest & G Team” nga Çekia e kanë të ndalur që të marrin tenderë publikë për një vit në Kosovë. Në “Lisën e zezë” këto dy kompani kanë hyrë për shkak të mashtrimeve që kanë bërë në tenderë. Ato pretendohet se kanë mashtruar në një tender Korporatën Energjetike dhe Ministrinë e Shëndetësisë.
Organi Shqyrtues i Prokurimit ka marrë vendim që të diskualifikoj nga pjesëmarrja në prokurimet publike “NTP Friends”, pas kërkesës nga Ministria e Shëndetësisë. Me 18 shkurt u vendos që “NTSH Friends”, kompani me bazë në të diskualifikohet për një periudhë një vjeçare, si dhe ti pezullohet kontrata me titull “Furnizim me material shpenzues medicinal nga lista esenciale”, shkruan Gazeta Express.
“Diskualifikohet, operatori ekonomik “NTP FRIENDS” nga Prishtina, nga pjesëmarrja në prokurim publik, për periudhën një vjeçare (12 muaj), si dhe pezullohet kontrata me titull “Furnizim me material shpenzues medicinal nga lista esenciale, me nr prokurimi: 206/14/022/111 për Lotet:1,2.3AI7,8,1(U3,14)5,18,19,20,28,29/30,51, e dt:1L,.11.2014”, thuhet në vendimin e OSHP.
Ministria e Shëndetësisë ka kërkuar nga OSHP që të anuloheshin edhe tre tenderë të tjera për barnat e listës esenciale.
Mirëpo, bazuar në këtë vendim është refuzuar kjo kërkesë pasi “që tri tenderët tjera nuk kanë qenë objekt i shqyrtimit nga OSHP-së”, shkruan në këtë vendim.
“Gjykata e tenderëve” në muajin gusht ka futur në listën e zezë edhe një kompani tjetër nga Çekia “Ekoinvest & G Team”.
Me kërkesën e Korporatës Energjetike të Kosovës është diskualifikuar konsorciumi “Ekoinvest & G Team” për shkak se “G Team” ka falsifikuar certifikatën. Kësaj kompanie me bazë në Çeki i ndalohet pjesëmarrja në tenderët publike deri në gusht të 2016’ës.
Gjatë shqyrtimit të kërkesës së KEK për diskualifikim të këtij operatori, paneli shqyrtues kishte kërkuar rivlerësimin e certifikuesit nga “TUV SUF Service GmbH” nuk e ka lëshuar certifikatën në fjalë .
“Me ç’rast vërtetohet se kompania në konsorcium “G-Team” e ka falsifikuar këtë certifikatë përmes internetit” shkruan në arsyetimin e OSHP-së
Ndryshe, gjatë këtij viti në Gjykatën Themelore në Prishtinë, departamenti për krime të rënda është deponuar një aktakuzë ndaj pjesë personave, që kanë lidhje me kompaninë “Friends” për vepra të ndryshme penale, përfshirë- krim të organizuar; furnizim, transportim, këmbim apo shitje të paautorizuar të armëve; mashtrim; dhe shpërdorim të pozitës zyrtare apo autoritetit. /Gazeta Express/.
