Gjykata Themelore Shkupi 1 i përcaktoi masën e paraburgimit 30 ditor dados e cila e tronditi opinionin vendas me videon në të cilën shihet sesi në mënyrë brutale keqtrajton foshnjën vetëm 9 muajshe. Gruaja që ishte angazhuar si dado, për foshnjën është kujdesur 5 muaj të plotë.
Prindërit kishin filluar të dyshonin se diçka nuk ishte në rregull, pasi në trupin e foshnjës kishin vërejtur mavijosje në fytyrë dhe në trupin e saj. Për këtë shkak, babai kishte vendosur kamerë të fshehur në banesë. Derisa prindërit nuk kanë qenë në shtëpi, kamera ka regjistruar sesi dadoja keqtrajtonte pa kurrfarë arsye foshnjën. Videon në rrjetet sociale e ka publikuar tezja e foshnjës.
Nga Prokuroria publike informuan se ekziston dyshim i bazuar për kryerjen e veprës penale lënie pas dore dhe keqtrajtim të fëmijës sipas nenit 201 të Kodit penal. Për këtë vepër parashihet dënim me burg prej 1 deri në 10 vjet. Në rrjetet sociale u paraqit edhe një person i cili prezantohet si avokat i dados dhe paralajmëroi se nga gjykata do të kërkojë që regjistrimet të mos i marrë si prova pasi ato janë bërë në mënyrë të paautorizuar. /Alsat-M/
https://youtu.be/IGLPacx9pVE
