Deputetja e LDK-së Doarsa Kica-Xhelili ka folur lidhur me listë e deputetëve për zgjedhjet e 9 shkurtit.
Sipas Kica-Xhelilit, lista e kësaj partie për zgjedhjet e 9 shkurtit është më e mira që e ka vendi.
“Lista e LDK-së praktikisht është lista me njerëzit më të mirë që i ka Kosova, më profesionistë, më të balansuar, dhe është lista ku njerëzit e bëjnë numrin, e jo numri njeriun.Do të thotë unë mendoj se LDK-ja e ka ofruar pikërisht atë që e ka premtuar”, ka thënë deputetja e LDK-së në Klan Kosova.
Mendoj se me këtë listë, shumë lehtë, kushdo që voton, mund të hyjë në vendvotim, t’i mbyll sytë dhe t’i rumbullakojë 10 emra, jam e bindur që s’gabon, ka shtuar më tutje ajo.
