Komisioni Qendror i Zgjedhjeve ka përfunduar procesin e numërimit të votave për zgjedhjet e parakohshme parlamentare të 7 qershorit.
Sipas rezultateve të procesuara në platformën e KQZ-së, Lëvizja Vetëvendosje ka marrë 47.13% të votave (53 ulëse), e pasuar nga Partia Demokratike e Kosovës me 19.44% të votave (22 ulëse), Lidhja Demokratike e Kosovës me 16.69% (18 ulëse) dhe Aleanca për Ardhmërinë e Kosovës me 6.74% (7 ulëse), shkruan Klankosova.tv.
Në bazë të këtyre rezultateve disa nga kandidatët për deputetë do të sigurojnë për herë të parë ulëse në Kuvendin e Kosovës.
Nga Lëvizja Vetëvendosje për herë të parë në legjislativ do të jenë: Osman Musliu, Arton Konushevci dhe Armend Baloku.
Nga radhët e Lidhjes Demokratike të Kosovës nga rikthimi i saj Vjosa Osmani ka siguruar ulëse në legjislaturën e re ashtu si edhe Albena Reshitaj, ndërsa Paris Guri do të rikthehet sërish në Kuvendin e Kosovës.
AAK ka siguruar 7 ulëse nga të cilat të gjithë kanë ‘shijuar’ postin e deputetit, ndërsa Teuta Haxhiu është rikthyer në Kuvendin e Kosovës, pas mungesës në dy legjislatura.
