![Kështu u përplasën aktivistët e VV’së me policinë në Prapashticë [FOTO]](https://infosot.com/wp-content/uploads/2015/08/PROTESTA-VV49466-660x375.jpg "Kështu u përplasën aktivistët e VV’së me policinë në Prapashticë [FOTO]")
Lëvizja Vetëvendosje e ka cilësuar të dhunshëm aksionin e sotëm të policisë, për t’i parandaluar aktivistët e kësaj partie t’i afroheshin shtëpisë së kryeministrit Mustafa në Prapashticë
Sipas Lëvizjes Vetëvendosje, Policia ka cenuar lirinë e lëvizjes dhe të drejtën e protestës, duke arrestuar 3 aktivistë të VV’së dhe duke u vënë në shërbim të interesave financiare private të Isa Mustafës.
Vetëvendosje ka publikuar edhe fotografi, bashkë me komunikatën e plotë:
Policia e Kosovës është vënë në shërbim të plotë të interesave financiare private të Kryeministrit Isa Mustafa.
Policia e Kosovës, duke cënuar rëndë lirinë e lëvizjes dhe të drejtën e protestës, arrestoi 3 aktivistë të VETËVENDOSJE!-s, si dhe përdori dhunë dhe spray lotësjellës kundër tyre. Aktivistët e Lëvizjes tentuan ta vendosin pranë villës luksoze të Isa Mustafës, një pano me mbishkrimin “Shiti pronat e tua, e jo Kosovën”. Këtë gjë e dinte Policia e Kosovës, por prap nuk reshti së përdoruri dhunën ndaj aktivistëve.
.
/express/
