Këshilltaret e Bujanocit dhe Preshevës kanë miratuar propozim-vendimin për themelimin e Asociacionit të Komunave Shqiptare në Luginën e Preshevës.
Të gjithë këshilltarët prezent votuan për, shkruan zeri.info
—-
Kryetari i Preshevës dhe ai i Bujanocit deklaruan një zëri se nuk po kërkojnë asgjë më shumë se sa serbët e Kosovës, thjeshtë reciprocitet.
—
Është kërkuar pauzë 10 minuta në pjesën e parë të seancës.
—
Ky është dokumenti qe do te votohet propozimi vendimi për themelimin asociacionit për komunat shqiptare.
—
Në ora 11:40 ka filluar mbledhja e shqiptarëve të Luginës ku pritet të bëhet themelimi i Asociacionit të Komunave me shumicë shqiptare në Serbi. “Zëri” do tu mbajë të informuar.
—
Ndonëse janë paralajmëruar që do të jenë 68 këshilltarë, deri më tani në sallë janë vetëm 43 prej tyre.
—
Këshilltarët e Kuvendit Komunal Presheva dhe Bujanoci pritet që pas orës 11:00 të të themelojnë Asociacionin e Komunave me shumicë shqiptare në Serbi.
Asociacion do të jetë i ngjashëm për nga përmbajtja dhe fuqia me atë që do ta themelojnë serbët në Kosovë, ndërsa, sipas përfaqësuesve nga Lugina e Preshevës, Asociacioni shqiptar ka mbështetjen e Kosovës dhe të Shqipërisë.
Gazetari i “Zëri”, Albert Ahmeti do të na mbajë të informuar rreth gjithë kësaj mbledhje.
