Sekretari amerikan i Shtetit, John Kerry, ka arritur në Kiev, ku pritet të diskutojë mënyrat për t’i dhënë fund luftës së vazhdueshme në lindje të Ukrainës kundër separatistëve pro-rusë.
Vizita e Kerryt vjen përpara një samiti të NATO-s në Varshavë, të cilin do ta ndjekë edhe presidenti i Ukrainës, Petro Poroshenko, me shpresën se do të sigurojë mbështetje dhe ndihmë.
Kerry, të mërkurën, ka vizituar Gjeorgjinë, ku ka nënvizuar angazhimin e Uashingtonit për të mbështetur ish-vendin sovjetik në përpjekjet për rikthimin e dy rajoneve separatiste, të mbështetura nga Rusia.
Gjatë qëndrimit të Kerryt në Gjeorgji, dy vendet kanë nënshkruar marrëveshje të re për bashkëpunim ushtarak./rel/
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
