Deputeti i PDK-së në Kuvendin e Kosovës, Bekim Haxhiu, sonte ka zgjedhur të festoj me simpatizantët e PDK-së zgjedhjen e Hashim Thaçit President të Kosovës.
Kamishi pas seancës gjyqësore të zhvilluar sot në Prishtinë, ka shkuar në Runik të Skenderajt, ku është organizuar një aheng me shumë simpatizantë të partisë së tij.
“Festa pas zgjedhjes së PRESIDENTIT HASHIM THAÇi vazhdon në Runik-Skenderaj”, ka shkruar deputeti Haxhiu në Facebook.
Bekim Haxhiu i cili është njëri ndër deputetët më të votuar në Kuvendin e Kosovës, ishte sulmuar para rreth katër vitesh nga Visar Ymer, Rexhep Selimi, Florin Krasniqi dhe disa shoqërues personal të tyre, ku menjëherë pas rastit kishte thënë se këtë sulm ia lë drejtësisë, mirëpo ishin deputetët e Vetëvendosjes ata që bojkotuan seancat gjyqësore, duke rrezikuar parashkrimin e rastit.
Disa nga eksponentët e VV-së të këtij rasti, në të kaluarën janë mburrur në media për sulmin e bërë, ndërsa në gjykatë kanë dhënë deklarata më të buta.
Ndryshe, në seancën e sotme Visar Ymeri ishte arrestuar për t’u sjellë me forcë nga policia, ndërsa Florin Krasniqi ka shkuar në ShBA, duke i ikur drejtësisë./Veriu.info/
