Presidentja e Kosovës, Atifete Jahjaga me rastin e festës së Sulltan Nevruzit, vizitoi Teqen e tarikatit Rufai në Prizren dhe u prit nga Sheih Adrihysein Shehu.
“Këtë ditë të rilindjes ta kremtojmë në paqe, mirësi e mirëkuptim. Festa e Sulltan Nevruzit është festa e ringjalljes dhe fisnikërisë. Ju uroj të gjithë besimtarëve dhe të gjithë qytetarëve të Kosovës, njëkohësisht, që këtë ditë të veçantë feste ta shënojnë si një ditë të re shprese, rilindjeje dhe mirëkuptimi”, tha Jahjaga.
“Kosova ka dëshmuar traditën e bashkëjetesës së religjioneve dhe të respektimit të diversitetit fetar e kulturor. Këtë traditë ta kultivojmë edhe më shumë për të treguar vlerat e shoqërisë dhe një kulturë demokratike në Kosovë”, theksoi presidentja.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
