Mijëra njerëz e kanë shpërndarë duke thënë se kjo ishte sjellja politike që rivalët duhet të kenë me njëri-tjetrin, dhe jo fyerjet dhe sulmet mes Trump dhe Hillary.

Letra i është lënë në zyrë Bill Clintonit nga paraardhësi i tij George Bush i pari, pasi Clinton e mundi në zgjedhjet presidenciale.

“I dashur Bill,

Kur unë hyra në këtë zyrë për herë të fundit ndjeva të njëjtën ndjenjë mrekullie dhe respekti si ajo që ndjeva katër vjet më parë kur hyra për të parën herë.

E di që edhe ti ndjen të njëjtën gjë.

Unë të uroj lumturi të madhe gjatë qendrimit tend këtu. Unë kurrë nuk e ndjeva vetminë në Shtëpinë e Bardhë, ashtu siç e kanë përshkruar disa prej paraardhësve tanë.

Do të kesh kohë shumë të vështira, do të përballesh me kritika të ashpra, që ndoshta ti mendon se nuk janë të drejta.

Unë nuk jam aq i mirë për të dhënë këshilla: Por mos lejo kurrë kritikët të të vënë poshtë apo të ndryshojnë kursin tënd!

Ti do të jesh presidenti i Amerikës dhe i imi kur të lexosh këtë letër.

Unë të uroj gjithë të mirat. I uroj gjithë të mirat dhe familjes tënde.

Suksesi yt tani është suksesi i gjithë vendit tonë, Amerikës. Unë mbështetem te ty.

Fat të mbarë!