U martova në moshë të re. Ishin prindërit ata që zgjodhën burrin e jetës sime. Në fillim të martesës ishte gjithçka e mrekullueshme, kalonim shumë mirë së bashku, përshtateshim me njëri-tjetrin dhe bënim seks çdo natë. Me një fjalë, ngopeshim me njëri-tjetrin.
Por, gjithçka përfundoi pas një kohe të shkurtër…
Im burrë ishte shofer i drejtorit të një ndërmarrje shumë të njohur në atë kohë dhe shpesh me drejtorin udhëtonte në shtetet fqinje. Mungonte shumë në shtëpi. Kishte raste kur një javë nuk ishte në shtëpi. Dhe, kur vinte ishte i lodhur dhe nuk më kushtonte vëmendje fare…
Mua më duhej të jetoja në bashkësi familjare të burrit tim. Një fqinj imi, i cili ndodhej një hyrje matanë hyrjes sime, më kushtonte vëmendje shumë. Ai sikur e dinte se im burrë nuk vinte me ditë të tëra në shtëpi, andaj edhe kishte nuhatur se mua më mungonte seksi, aq sa një ditë më kishte pritur në hyrje të pallatit tim dhe pa një e pa dy më tha: Sa kohë ke pa bërë seks? Ti meriton një mashkull si unë, që mund të të kënaq…
E di se ato fjalë i tha me qëllim që të më bezdiste, por unë ia ktheva: A ty të ka mbetur të ma bajsh gajlen mua, a?!
Ai, në vend të përgjigjes, vetëm qeshi dhe u largua pa asnjë fjalë tjetër…
Një ditë tjetër, derisa kthehesha nga pazari, më kishte pritur në hyrje të pallatit tim dhe më tha:
“Mos u ngjit në banesën tënde, por eja pas meje, në banesën time, sepse askënd nuk e kam aty”.
Pa pritur përgjigje prej meje, u largua nga unë në drejtim të hyrjes së pallatit të tij. Unë mbeta në vend: të shkoja a të mos shkoja… U nisa shkallëve për në banesën time dhe në kokë më silleshin fjalët e tij… Pasi i kalova disa shkallë, në çast më erdhën mendimet: Pse të mos shkoj! Askush nuk do të dyshoj në mua. Edhe ashtu, do e gjej një arsyetim se kinse u takova në rrugë me një shoqe dhe u ndalëm në kafe. Dhe, për një çast u lëshova shkallëve teposhtë, duke ecur lehtas që të mos më vërente kush.
Kur u afrova afër derës së tij, ai veç e hapi derën lehtas dhe më tërhoqi për krahu brenda. Sendet që i kisha në duar m’i mori shpejt e shpejt dhe i lëshoi në tokë, më ofroi afër trupit të tij dhe filloi t’më kafshojë lehtas në qafë, si një bishë e etshme për pre.
Pastaj, hymë në dhomë dhe më përplasi mbi shtratin e tij. Së pari më shikoi me ëndje, pastaj filloi t’më puthte në buzë me afsh, duke vazhduar me puthje në tërë trupin…
Dhe, një kënaqësi të tillë me të e përjetova edhe herë të tjera, por që nga paslufta më nuk takohemi bashkë, meqë ai tashmë është i martuar dhe ka fëmijë…
Por, ai mua më mungon gjithnjë…/Kosovarja/
