Ditë e hidhur për Partinë Popullore Zvicerane, SVP. Kauza e saj për zbatimin e dëbimeve dështoi. Shumica e zviceranëve janë shprehur kundër saj.
Sipas përllogaritjeve paraprake të SRG-së, 59 për qind e qytetarëve kanë votuar kundër Iniciativës për Zbatim. Pro saj kanë qenë 41 për qind. Marzha e gabimit në hulumtimin e opinionit qëndron në plus/minus 1 për qind, transmeton Tages Anzeiger.
Pozitivisht Iniciativës së SVP-së për Zbatim i janë përgjigjur 53 për qind e votuesve të Schwyzit. Sikurse edhe në Appenzell Innerrhoden me 54,3 për qind. Me 50,07 për qind pro saj kanë votuar qytetarët e Nidwaldenit.
Në Uri, pro Iniciativës janë shprehur 51,6 për qind e votuesve. Edhe në Tesinë disponimi ka qenë pro Iniciativës. Në anën tjetër, me 42,6 për qind dhe 43 për qind ajo ka humbur në Zug përkatësisht në Solothurn. Në Aargau Iniciativa është refuzar me 55,7 për qind. Basel-Landi e ka kundërshtuar atë me 59,8 për qind.
Kundër Iniciativës, njofton Dialogplus, janë shprehur 54,1 për qind e qytetarëve të St. Gallenit; 60,3 për qind në Jura. Refuzimin më të madh Iniciativa për Zbatim e ka përjetuar në Qytetin e Baselit me 70,2 për qind. Në Wallis Iniciativa është mohuar me 55 për qind të votave. 51,26 për qind e Glarusit voton kundër Iniciativës. Në Appenzell-Ausserrhoden Iniciativën e kanë refuzuar 55,3 për qind e votuesve.
