Kompania kineze Huawei po zhvillon sistemin e vet operativ për pajisjet mobile, për të mos u varur më nga sistemi Android i Google-it. Kompania është marrë me zhvillimin e këtij sistemi operativ gjatë tri viteve të fundit.
Kompania Huawei- që sipas një raporti të fundit nga firma e hulumtimit të tregut IDC, është prodhuesi i tretë për telefona inteligjent në Kinë- po punon gjithashtu për krijimin e një telefoni të ri inteligjent që do të operojë me këtë sistem të ri operativ.
Ky lajm është bërë i ditur tani që kompania do t’i bashkohet tregut amerikan. Ajo ka dërguar ftesat për një event që do të zhvillojë në Nju Jork muajin e ardhshëm, më 2 qershor. Kompania është përzgjedhur gjithashtu nga Google që të krijojë telefonin tjetër inteligjent Nexus.
