Fondi i skemës pensionale që do të rritet për 23 milionë euro, sipas ministrit të Financave Abdullah Hoti, është punë e kryer.
Nëpërmes një postimi në llogarinë e tij në Facebook, ai i ka thënë se Fondi i skemës pensionale është punë e kryer, ashtu siç ka thënë në konferencën e mbajtur me FMN-në.
Këtë sqarim Hoti e ka bërë pas një interviste të publikuar dje nga KosovaPress, ku nuk dihej ende sigurt se a do të rritet ky fond dhe për shumën e rritjes, transmeton Koha.net.
“Fondi i skemes pensionale rritet per 23 milion euro, ashtu si kam thene te premten ne konference me FMN. Kjo eshte pune e kryer. Intervista e KosovaPress eshte e vjeter para nje jave, kur ne ishim duke diskutuar me FMN dhe Ministrin Abrashi per shumen qe ndahet per pensione. Buxheti me kete ndarje shtese prej 23 mil do te aprovohet ne Qeveri javen qe vjen. Mandej varet nga Kuvendi sa shpejt e aprovon ligjin e buxhetit per 2016.”, ka shkruar Hoti.
Ministri Hoti ka thënë se buxheti me këtë shtesë prej 23 milionë euro do të aprovohet në Qeveri javën e ardhshme dhe se mandej, sipas Hotit, kjo varet nga Kuvendi sa shpejt e aprovon Ligjin e Buxhetit për 2016.
