Atë që nuk e bëri asnjë Qeveri e Kosovës po e bën Koalicioni PS-LSI në Shqipëri. Gjermanët po zbarkojnë me të madhe në Tiranë derisa Kosova, Qeveritë e saj të udhëhequra nga PDK e LDK, përkatësisht Hashim Thaçi e Isa Mustafa gjithnjë e kanë refuzuar “dorën” dhe modelin gjerman të investimit në Kosovë, raporton Gazeta Blic.
Kështu dje është zyrtarizuar mbërritja e Telekomit Gjerman, që do të operojë me logon e saj në Tiranë.
“Deutsche Telekom futet tashmë në Shqipëri me emrin e saj, duke nënvizuar edhe njëherë pretendimin për të qenë ofruesit kryesorë të telekomunikacionit në Europë,” shkruan portali Finanzen.de në Gjermani. Grupi me qendër në Bonn përfaqësohej indirekt në Shqipëri pasi kanë blerë aksionet në kompaninë greke OTE. Kjo e fundit ka blerë në vitin 2008 kompaninë shqiptare, AMC. Tashmë beteja mes AMC dhe Vodafone do kthehet në betejën mes T.Com dhe Vodafone.
