Kryetari i AAK-së, Ramush Haradinaj, ka thënë se si rezultat i kundërshtimit qytetarë u ndaluan Asociacioni dhe Demarkacioni.
Ai nëpërmes një postimi në Facebook ka thënë se do të vazhjdojnë ta kundërshtojnë, sic e ka quajtur ai, këtë puishtet të kapur. Haradinaj sërish ka kërkuar zgjedhje të parakohshme, me arsyen se kjo ia kthen mandatin qytetarëve.
Ky është shkrimi i plotë i Haradinajt në Facebook:
Të nderuar qytetarë,
U vërtetua se kundërshtimi opozitar është më se i domosdoshëm dhe unë jam i lumtur që ai po i mbërrinë efektet e veta për mbrojtjen e shtetit.
Si rezultat i këtij kundërshtimi, është ndalur zbatimi i dy marrëveshjeve të dëmshme për vendin, Marrëveshjes së Asociacionit dhe Demarkacionit.
Ky kundërshtim u dëshmua i domosdoshëm edhe në ditën e votimit të Presidentit, ku Kuvendi i Kosovës, arriti ta kontrabandojë për President, arkitektin e kapjes së shtetit!
Janë të mjerë ata të cilëve krenaria e vetme u ka mbetur nënshtrimi, shitja dhe kontrabandimi i vullnetit qytetarë.
Unë dhe AAK, do të mbetemi të vendosur e të bindur se fronti qytetar, është më i fortë se sa këta që e kanë kapur shtetin.
Ne së bashku me qytetarët, do të dimë që fuqinë që e kemi dhe që qindra e mijëra prej jush e manifestuat në disa protesta rradhazi, ta orinetojmë në rikthimin e demokracisë në vend. Kjo do të behët, vetëm duke ia kthyer mandatin qytetarit, përmes zgjedhjeve të parakohshme.RH
