Kreu i AAK-së Ramush Haradinaj ka marrë fjalën sërish në seancën plenare të Kuvendit të Kosovës duke u shprehur se Isa Mustafa nuk ka ku me u fsheh duke mos ardh që të mos raportojë para deputetëve të këtij Kuvendi, njofton Klan Kosova.
Haradinaj në këtë fjalim ka folur edhe për demarkacionin me Malin e Zi.
“Demarkacioni me Malin e Zi nuk është vetëm i AAK-së, as vetëm i imi e as nuk ëhstë vetëm për vota por është e juaja që jeni të këtij vendi”
Ai ka bërë thirrje për deputetët duke thënë se disa herë ka dashur që nga foltorja e Kuvendit të ftojë dijen dhe ndërdijen e deputetëve.
“Mos lejoni shefat e juaj me shku gabim, me kujdesin ma të madh ju kom ftuar që të bëni një punë që është detyrë e juaja”
Ai gjithashtu tha se Asociacioni i Komunave me shumicë serbe nuk ka kompetenca ekzekutive por shumë më shumë se kaq.
“Marrëveshja për Asocioacion e Komunave me shumicë serbe ka ngrit alarmin se ky Asociacion ka kompetenca ekzekutive por ata kanë kompetenca vendimarrëse”
“Kompetencat vendimarrëse janë shumë më shumë se ekzekutive”
Haradinaj ka kërkuar që të tërheqë nënshkrimin pasi sipas tij pa përfunduar kjo nuk ka normalitet as në Parlament as në Kosovë.
