Deputeti i PDK-së Xhavit Haliti gjatë debatit politik në transmetusin publik ka thënë se ndjehet i fyer pse në tavolinën e debatit me të gjendet edhe Muharrem Nitaj, ish-gazetar ndërkaq tash anëtar i AAK-së.
Haliti ka thënë se është i habitur nga transmetusi publik se si një debat të tillë e kanë ftuar Nitajn që as nuk është deputet në Kuvendin e Kosovës.
“Ti nuk je i nivelit tim që të jesh këtu”, i ka thënë Haliti, Nitajt.
Deputeti i PDK-së, ka thënë se Nitaj duhet të shkojë në ndonjë debat me gazetarë e jo me deputetë.
Para disa javësh Muharrem Nitaj është emëruar zëdhënës i partisë së Ramush Haradinajt dhe është kooptuar në kryesinë e AAK-së.
Të njëjtën gjë Haliti e ka shprehur edhe për përfaqësuesin e Nismës Bilall Sherifi.
Në emision “Debat” po marrin pjesë Xhavit Haliti nga PDK, Armend Zemaj nga LDK, Ilir Deda nga Lëvizja Vetëvendosje, Bilall Sherifi nga Nisma dhe Muharrem Nitaj nga AAK.
