Zëvendëskryeministri i Republikës së Kosovës, ministër i Punëve të Jashtme dhe Diasporës, si dhe nënkryetar i Lëvizjes VETËVENDOSJE!, Glauk Konjufca, mori pjesë në dy aktivitete të organizuara në Gjilan dhe Bresalc, duke iu bashkuar vullnetarëve në shtandin informues në Gjilan dhe grave në një takim të veçantë në Bresalc.
Në Bresalc, qytetarë, gra dhe vullnetarë shprehën mbështetjen e tyre për Lëvizjen VETËVENDOSJE! dhe numrin 116, duke theksuar angazhimin për “Shtet për krejt”. Me vendosmëri dhe besim në fitore, ata pritën zëvendëskryeministrin Konjufca, kryetarin e Gjilanit, Alban Hyseni, si dhe kandidatët për deputetë.
Aktivitetet në Gjilan dhe Bresalc u karakterizuan nga pjesëmarrje e madhe dhe atmosferë pozitive, duke dëshmuar mbështetjen e vazhdueshme të qytetarëve për vizionin e Lëvizjes VETËVENDOSJE! për një shtet që u shërben të gjithëve.
