Klubi i Barcelonës ka publikuar imazhin e parë të argjentinasit me pesë trofetë prestigjiozë individualë të tij. Të dielën, para ndeshjes kundër Athletic, trofeu i “Topit të Artë” do të “shëtitet” edhe për tifozët në “Camp Nou”, aty ku Lionel Messi vazhdon të shkruajë historinë. Ai është vetë bota e futbollit, tani, sepse për herë të parë kemi një fitues të “Topit të Artë” pesë herë.
Dhe, për ta përjetësuar një moment të tillë historik, asgjë më të mirë nuk ka se një imazh i yllit argjentinas me të pesë trofetë. Nëpërmjet faqes së saj, Barcelona ka postuar një foto të yllit argjentinas me pesë trofetë, që i fitoi nga viti 2009. Gjithashtu, klubi katalanas njoftoi se në përpara ndeshjes së La Ligas, kundër Athletic Club Bilbao, djaloshi i lindur në Rosario do t’i sjellë me vete të pesë “Topat e Artë” në “Camp Nou”, për të festuar së bashku me tifozët katalanas.
