Fondi Monetar Ndërkombëtar (FMN) pret që në vitin 2016 Kosova të ketë një rritje ekonomike prej 3.8%, andaj kjo rritje nuk është e mjaftueshme për vendin.
Kosovës i duhet të bëjë më shumë, në mënyrë që të ketë zhvillim më të dukshëm, i cili trajton papunësinë, ka thënë përfaqësuesi i Fondit Monetar Ndërkombëtar në Kosovë (FMN), Ruud Vermeulen, i cili njoftoi për rishikimin e parë të programit që FMN-ja ka lidhur me Kosovën.
Në fundjavë Ministri i Financave Hoti kishte dhënë tone shumë më optimiste për këtë temë.
Por Rritja ekonomike, sipas parashikimeve të FMN-së ka ndodhur si pasojë e fuqizimit të remitencave dhe investimeve të huaja, por edhe të rritjes së kërkesës vendore pas ngadalësimit të një viti më parë.
Vermaulen theksoi se ekzistojnë edhe disa rreziqe në realizimin e parashikimeve të mira, duke përmendur situatën e vështirë politike, e cila sipas tij, mund të ketë ndikim në uljen e besimit të konsumit të konsumatorëve, të investimeve dhe në ulje të inkasimit të të hyrave.
