Fenomeni ekstrem në Shkodër/ Në 50 minuta qyteti u zbardh nga breshëri, ranë 55 mm shi, eskavatorët pastrojnë rrugët

E publikuar: 14/05/2021 11:10
Rreshtat+- AShkronjat+- Printo

Qyteti i Shkodrës u përfshi nga reshje shiu dhe stuhi breshëri gjatë mbrëmjes së kaluar.

Në pamjet e siguruara nga Top Channel, duket se si ndryshimi i motit ka sjellë një pamje që rrallë është parë në muajin maj.

Rrrugët janë zbardhur si të ishte dimër, ndërsa për pastrimin e tyre kanë mbërritur eskavatorët. Duket se janë krijuar ngrica për shkak të breshërit dhe njerëzit kanë dalë jashtë për të pastruar rrugët derisa kanë mbërritur eskavatorët.

Meteoalb e ka cilësuar fenomen ekstrem faktin që në 50 minuta kanë rënë mesatarisht 55 mm reshje shiu dhe kryesisht breshër.