Familjet e Mirsad Ndrecajt, Beg Rizajt dhe Xhafer Zymberajt: Mjaftë më, të thuhet e vërteta mbi familjarët tanë
Edhe një javë pas luftës që ndodhi në Kumanovë, familjarët e të vrarëve sipas MPB-së së Maqedonisë e cila ditë më parë i publikoi në listat e të vrarëve, nuk e kanë ende një lajm zyrtar se cila është e vërteta e gjithë asaj që ndodhi dhe që është duke ndodhur me bijtë e tyre, ka thënë një nga familjarët për Gazetën NewBorn
Familjarët e tyre thonë se po abuzohet dhe po eksperimentohet me kufomat tashmë të vrarë sipas MPB-së së Maqedonisë ‘’ E konsiderojnë se është abuzim apo eksperiment me kufoma, sepse asnjë informacion nuk e kemi zyrtarisht, përpos deklarimeve qe janë shpallur si te vrarë nga MPB e Maqedonisë, ne nuk jemi të informuar me asnjë lajm zyrtar’’
Këto familje kërkojnë nga gjithë mekanizmat përfshirë këtu edhe MPB-në që të marrin hapa drejt zbardhjes së të vërtetës me fatin e tyre ‘’Kërkojmë nga mekanizmat kompetente shtetëror dhe ndërkombëtarë, si dhe institucione që merren më të drejtat e njeriut që të kanë akces se kjo është padurueshme më’’.
Këto familje po ashtu tregojnë se si njëri nga të arrestuarit ju ka treguar së Xhafer Zymberi dhe Mirsad Ndrecaj janë kapur të gjallë dhe të plagosur ‘’ E konsiderojnë ne familjet e tyre se ndoshta po eksperimentohet edhe me njerëz të gjalë dhe ne fund edhe i ekzekutojnë sepse njeri nga te arratisurit atje edhe ka deklaruar se Mirsad Ndrecaj dhe Xhafer Zymberi jan kapur të gjallë dhe të plagosur’’, ka thënë për Gazetën NewBorn, njëri nga familjarët e tyre.
