Një mësuese franceze ng Florida ështe suspenduar për pesë ditë pa pagesë, pasi që drejtoria e shkollës ka gjetur se ajo e ka quajtur terrorist dhe taleban njërin nga nxënësit e saj ne klasë.
14 vjeçari Deyab Houssein, nuk kishte ide se cfarë do të thotë të jesh taleban, përderisa nuk i kishte pyetur prindërit e tij krejt rastësisht për etiketimet që profesresha po i bënte atij.
Ai tha se nuk e ka pritur një gjë të tillë nga një mësuese. Sipas tij mësueset duhet të jenë shembuj per nxënësit e tyre.“Eshtë shumë e dhimbshme që njerëzit ende mendojnë se të gjithë muslimanët janë terroristë”- tha ai per Sun Sentinel.
Për babain e nxënësit, Deyab Houssein ky dënim ishte shume i vogël. Ai mendon se mësuesja duhej suspenduar pa pagesë për një vit te tërë, ose të përjashtohej nga puna menjëherë.
Inspektori i Arsimit, Robert W. Runcie, pasi u njoftua me rastin, tha se e ka marre mjaft seriozitet dhe se e ka adresuar si problem qe duhet zgjidhur sa më shpejtë. /Indeksonline
