Kryetari i Republikës Srpska në Bosnje e Hercegovinë, Milorad Dodik, ka deklaruar se forma se si funksionon kjo republikë, është si një shtet.
Dodik ka hënë se nuk do të ketë qetësi për serbët e kësaj republike, pa formimin e shtetit.
“Serbët këtu nuk do të mund të qëndronin as njëzetë vjetë pa Republikën Srpska, pasi shumica nuk do ta pranon Bosnjën. Për këtë arsye beteja për Republikën Srpska, bazohet në interesin e të gjithë neve që jetojmë këtu”, ka thënë ai për mediat serbe, transmeton lajmi.net.
Ai ka thënë se Bosnja e Hercegovina (BeH) nuk do të mund të zgjas edhe shumë si shtet, pasi ekzistimi i saj nuk ka arsye reale.
“BeH nuk është kornizë në të cilën Republika Srpska mund të jetë e lirë për t’u zhvilluar. Forcimi i funksionimi të centralizuar të BeH do të dëmtonte direkt Republikën Srpska, dhe unë asnjëherë nuk do ta pranojë atë”, ka thënë ai.
