Ambasadori i Gjermanisë në Beograd Axel Dittmann lidhur me dialogun Beograd – Prishtinë ka deklaruar se aktivitetet duhet të zhvillohen në nivelin teknik sepse duhet implementuar marrëveshjet e arritura , përfshirë edhe formimin e Asociacionit të Komunave serbe.
“Duhet definuar temat e reja që do të zgjidhen në dialog për të arritur qëllimin kryesor – normalizimin e gjithanshëm të marrëdhënieve”, citon “Veçernje Novosti” të ketë thënë Dittmann, transmeton Koha.net.
Dittman ka shtuar se as anëtarësimi i Serbisë në NATO dhe as njohja e Kosovës nuk janë kushte për hyrje të Serbisë në BE.
