Lëvizja Vetëvendosje i ka bërë thirrje Policisë së Kosovës që të mos marr urdhra politik dhe të kundërligjshëm.
Zyrtarë të kësaj partie kanë kritikuar sjelljet e policisë gjatë seancave të Kuvendit dhe protestave.
Deputetët e Lëvizjes Vetëvendosje Aida Dërguti dhe Rexhep Selimi në një konferencë të të përbashkët për media, kanë kërkuar përgjegjësi penale për Qeverinë e Kosovës, Kryeministrin, MPB-në dhe Drejtorin e Përgjithshëm të Policisë së Kosovës, pas sipas tyre policinë po e përdorin si mjet për shtypje.
Aida Dërguti ka bërë thirrje që policia mos të marrë urdhra politik dhe të kundërligjshëm. Ajo, ka përmendur edhe rastin e arrestimit të Albulena Haxhiut që, sipas saj, në rastin Haxhiu shkeljet kanë vazhduar edhe në spital.
“Ju kujtohet rasti i Albulenës. Deri më sot zyrtarja e policisë nuk është arrestuar. Shkeljet në rastin e Albulenës kanë vazhduar edhe në spital ku është kontrolluar. Prezenca e policisë në seanca nxjerrja e deputetëve janë të pabazuara. Bazuar në rregullore çdo deputet gëzon imunitet por as Kryesia nuk është e interesuar të marrë masa për ta ndaluar policinë. Policët janë përfshi në vepër penale me urdhra. Ju bëjmë thirrje policisë mos të mar rin urdhra politikë se shumë shpejtë kanë për tu përballur”, tha ajo.
