Ministri i Integrimeve Evropiane, Bekim Çollaku ka thënë sot gjatë një tryeze me temë “Zgjerimi i BE-së, Si na sheh Europa”, se Bashkimi Evropian nuk ka asnjë instrument tjetër më të mirë për veç zgjerimit, jo vetëm për të provuar vlerat e saj, por edhe për të rritur ndikimin në politikat globale dhe se mos zgjerimi i BE-së në vendet e Ballkanit Perëndimor, paraqet problem për rritjen e ndikimit të Rusisë dhe elementëve të ISIS-it.
Çollaku ka theksuar se BE përballet me kriza të ndryshme siç është ajo e refugjatëve dhe rritja e numrit të partive të djatha, mirëpo sipas tij, Bashkimi Evropian edhe më herët është përballur me kriza, por që ka vazhduar zgjerimin.
Ai në këtë tryezë të organizuar nga Fondacioni i Kosovës për Shoqëri të Hapur (KFOS), ka thënë se nëse BE për këto probleme nuk parasheh zgjerim të ri me shtetet e Ballkanit Perëndimor, atëherë ekziston rreziku që në këto pjesë të rritet ndikimi i Rusisë dhe elementeve të tjera që kanë të bëjnë me ISIS.
“Shtrohet pyetja nëse për të gjitha këto arsye do të ketë zvarritje deri të vala e re e anëtarësimit të Ballkanit Perëndimor atëherë , a do të këtë mundësi që BE ta luajë rolin e vet transformues në shtetet aspirante dhe kandidate në Ballkanin Perëndimor, dhe në qoftë se jo atëherë, cilët akterë tjerë do të vijnë në shprehje si zëvendësim për BE. Ne jemi të vetishëm se aketerët tjerë të cilët mund të zënë një pjesë të hapësirës së ndikimit të BE-së nuk janë aktet më të cilët do të dëshironin të kishim asnjë punë, sepse po flasim për zgjerimin ose rritjen e rolit të Rusisë dhe në rastin më të keq elementet të cilat janë të lidhura me ISIS”, ka thënë ai.
Sipas Çollaku kriza aktuale në BE, nuk e favorizon asnjë nga vendet aspiruese, por ka thënë se ky proces është ende i papërfunduar nga BE.
Fisnik Korenica nga Grupi për Studime Politike dhe Juridike tha se vendet anëtare të BE-së janë të rëndësishme për Kosovën, pasi që politika e tyre varet për integrimin e Kosovës.
“Kjo tregon se vendet anëtare kanë peshë shumë më të madhe sesa Komisioni Europian kur vije puna tek zgjerimi. Janë dy nivele që shpjegojnë procesin e BE-së si Racionalizmi që shtron pyetjen pse duhet të zgjerohet BE, dhe teoria konstruktive ku hyn edhe Kosova sepse kjo teori ka të bëjë me interesin e zgjerimit të BE. Pra shikohen edhe pozicioni gjeostrategjik i një vendi. Po ashtu sa është niveli i rrezikut tek një vend në mënyrë që BE ta pranojë apo jo”, është shprehur ai duke shtuar se Kosova nuk ka ndonjë rrezik të brendshëm që të mos pranohet.
Kurse, Corina Stratulat nga Qendra Evropiane për Politika tha se procesi i zgjerimit në BE, ka ndryshuar nga vitet e kaluara dhe, se tani është bërë një proces më kompleks. Sipas saj, kriza me refugjatë ka vështirësuar këtë proces për shtetet anëtare.
“Sa i përket Budenstagut gjerman mund të bëhet një referendum për procesin e zgjerimit. Duke u bazuar në konsideratat që janë të inspiruar nga kontekstet vendore ose nacionale si çështja e pakicave, konteksti i qëndrueshmërisë, azilkërkuesit e çështje tjera dhe konkuldimet kryesore për tërë këto janë intencat që zgjerimi ka ndryshuar dhe është një proces i paparashikueshëm sesa që ka qenë më herët. Ky është një realitet në të cilin duhet të adaptohemi “, është shprehur ajo.
