Komandanti i lartë amerikan për Lindjen e Mesme ka vizituar fshehurazi Sirinë të shtunën, kanë bërë të ditur zyrtarët.
Gjenerali Joseph Votel, udhëheqës i Komandës Qendrore të SHBA-së, ka kaluar rreth 11 orë në veri të Sirisë.
Ai ka takuar këshilltarët ushtarakë të SHBA-së dhe Forcat Demokratike Siriane, të përbëra nga forcat rebele kurde dhe arabe.
SHBA do që forcat lokale të mposhtin grupin militant Shteti Islamik, i cili kontrollon territore në Siri.
Komandantët arabë, që kanë folur për gazetarët, kanë thënë se forcat e tyre kanë nevojë për më shumë ndihmë.
SHBA ka rreth 200 këshilltarë ushtarakë në Siri.
Në konfliktin civil atje, që vazhdon qysh nga viti 2011, janë vrarë mbi 270,000 njerëz./rel/
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
